لا والله إلا صرت يا عارضي شيب |
أقفا سوادك واعتلاك البياضي |
قالوا وقار وقلت ما به لنا عيب |
لا شك يا شفته عنا النفس هاضي |
يا ليت له طبن واعالجه ويطيب |
أو كان خصم أطالبه عند قاضي |
الشيب مابه عيب لو به عذاريب |
شكله يغيض إلي بسوق المقاضي |
سود العيون الفاتان الرعابيب |
واخص من خده على بعد ياضي |
يالمترفات أو متعبات المناديب |
لي في سنعكم يا هوى البال حاضي |
اشفق من إلي ببنها قدمت الجيب |
فيحب من أخلص وأنا عنه راضي |
ما زلت أعيش الحب لو فيه تعذيب |
منكن أحس بسرة القلب شاضي |
ياكثر ما قلتن لنا مير أكاذيب |
فيكن عن المظمين كفي الحياضي |
كم واحدن منكن تعلا المراقيب |
يهل عبرات العصير اغتياضي |
مضا عليكن له وعود ومطاليب |
وين الوفا يا أم العيون الغواضي |
قال الغدر ما فيه شكن ولا ريب |
لو كان لي معهن من الود ماضي |
من يستجيب لشكونن ما لها مجيب |
قضية المشتاق عنها تغاضي |
يا شائت الأقدار ما كتب لنا يصيب |
وحكم القدر مالي عليه اعتراضي |
يا رب يا عالم خفا العلم والغيب |
رحمتك يا محيي هشيم الفياضي |
شايح بن ثامر الشمري |
|
