يالله يالمعبود يا خالق الجان |
والانس والدنيا عليك اتكالي |
تفرج لمن حاله تزايد ابنقصان |
امن الهموم اللي تهد الجبالي |
فقدت عبدالله وعايشت الأحزان |
واليوم أبو تركي أوا عزتالي |
اهتز ساس البيت واهتزت اركان |
يا ويل حال اللي شبيه ابحالي |
عبدالعزيز اللي من العام تعبان |
من فقد عبدالله سهير الليالي |
ياما تألم والصبر زاده ايمان |
محد يلومه بعد فقده لغالي |
انهد حاله كل يوم ابنقصان |
وجاه الأجل مكتوب ما به مجالي |
اسايلك يارب يا عالي الشان |
تجزل له الحسنات باول وتالي |
وبجنة الفردوس تجزيه باحسان |
يالله طلبتك يا عظيم الجلالي |
يارب صبرني على كل مكان |
يصعب علي الصبر مما جرالي |
يارب والهمني مع الصبر سلوان |
بالصبر يالمعبود ما نيب سالي |
يوسف الوهيبي |
|
