يا طير دام انك على الوكر وبخير |
وانا بعد طيب واشوف الطبيعه |
والله ما افكر بالطيور المشاهير |
افعولها وسط المجالس تذيعه |
الفعل والبرهان وقت المعابير |
للخارم اللي دوب ترمق لميعه |
اخذت عنك وقمت ترقى بتغمير |
من شوفتك ضاقت عليه الوسيعه |
لو كان في خوتك جتني مخاسير |
غير الصحاري والخطوط السريعه |
ونمشي على خدمتك وقت المصافير |
لين الشتاء يقفي ويقفي ربيعه |
وان شفت فيك اخلاف نطلب تقارير |
مركز فهد واللي يقوله نطيعه |
وان جاتنا الربطه ودق المسامير |
همٍ علي موادعه مع وديعه |
مسند بن مازن الميزاني |
|
