نايف سنام المجد والمجد نايف |
ناف بوفاه وناف بالمرجله ناف |
نايف ووقفاته مثل ما انت شايف |
مواقفٍ في كل ميدان تنشاف |
نايف وتشهد له جميع الطوايف |
رجل التسامح والشهامه والانصاف |
نايف عليه من أبو تركي وصايف |
اللي حمى الديره من الكاف للكاف |
نايف ولد مروي حدود الرهايف |
عبدالعزيز وللعلا قاد الاسلاف |
نايف مزبن كل لاجي وخايف |
طودٍ يلوذ بهيبته كل من خاف |
نايف مقر المرحمه واللطايف |
نايف لأمن المملكة ستر ولحاف |
نايف نصير الحق ما هو مسايف |
فخر الرجال اللي حموا كل الاطراف |
نايف عضيد أبو الكرم والنوايف |
خادم بيوت الله ومن حج وأطاف |
نايف شديد الباس ستر العفايف |
لا جا نهارٍ فيه حاذف وحذاف |
نايف مقدم للضعوف الرغايف |
بالمدن واللي بالقرايا والارياف |
نايف حريب العوز بالناس رايف |
يرفى الخمال بلا تكلف ولا اسعاف |
نايف مشرع للضيوف المضايف |
على العلا والطيب والخير مزهاف |
نايف عدو البخل ريف الصحايف |
يوم السنين محول وكحول واعجاف |
نايف ومنهاج الرجوله ولايف |
المجد ما طافه وللمجد ما طاف |
نايف مقره بالضلوع النحايف |
يملك قلوب أهل الوطن جزل الأهداف |
نايف لياعدت كبار الوضايف |
للمعسرين وصاحب العوز رواف |
نايف مطوع كل عابث وهايف |
بأمن البلاد وكل مرجف ولفاف |
نايف الياحاف الوطن كل حايف |
للغدر واللي ينوي الشر وقاف |
نايف وحلمه فوق كل الوصايف |
رجل المروه والمكارم والأعراف |
نايف نعرفه دون زيف وكلايف |
محبوب متواضع عطوفٍ وشفاف |
نايف فخر للشعب والشعب نايف |
والشعب عنده كلهم مثل نواف |
|
|
|
