استبشري يالعيون اللي طواها السهد |
جتك البشاير من المغرب تفجّ الدروب |
الحمد لله على شوفة ولي العهد |
عساك سالم يابو خالد يامير القلوب |
انا اشهد إن شوفتك يامير مثل الشهد |
ولك طلةٍ دونها كل المعاني تذوب |
ياعل عمرك طويل وجعل دربك مهد |
ياللي عيون الملا ترْقبك من كل صوب |
أي والله أشهد ومعي الناس كلٍ شهد |
بانك ملكت القلوب ونلت حب الشعوب |
يا سيدي عنك ما والله نذخر جهد |
نرفع يدينا لكشّاف المحن والكروب |
يالله ياللي تجيب السايل المضطهد |
يا فارج الهم يا علاّم ما في الغيوب |
تشفي لنا سيدي سلطان واف العهد |
وترجّعه للوطن يلبس من الطهر ثوب |
ويا رب تحفظ أبو متعب وترحم فهد |
وتجنب المملكة شر الفتن والخطوب |
شعر: عطا الله ممدوح المضياني - الخرج |
|
