يا الله ياللي بيدك العز والجاه |
ياللي لخلات المخاليق رافي |
يا من خلل عبدك إليا بان ترفاه |
يا عالم غاية خفا كل خافي |
الطف بحال اللي تبهذل بدنياه |
وداج بجميع انحا النحايا وطافي |
يطرد ورا حظ عليك انت مشكاه |
لاشك شاف من الزمان اختلافي |
من كثر ماله ساروا الناس برضاه |
ولو كان ناقص قالوا الناس وافي |
ومن قل ما بيده ترا الناس تشناه |
ولو كان يسقيهم عسل قنط صافي |
فالمال كم ساسٍ طمانٍ وعلاّه |
والفقر كم حطم روابع سنافي |
لا شك ما للعبد عن حكم مولاه |
من خير والاّ (شر) والرب كافي |
ما كتب للمخلوق لابد يلقاه |
اما هزايم شر والا عوافي |
حمد بن هادي المسردي |
|
