نوله على بعضنا.. لكننا نكابر |
كل يبي البوح.. لكن نفقد القدرة |
قلبين بأقفاصها بأشواقها تجاهر |
نشكي من الشوق والحرمان والحسرة |
روحين تشكي ألم من كسرة الخاطر |
والخاطر المنكسر.. ما يمتكن جبره |
وقتٍ تغير عن إلى كنت له.. خابر |
تغيير جذري عسى الله ياقي العثره |
أنيسنا الليل.. به نور القمر ظاهر |
ونصبح على أحلام مقتوله ومنتثره |
نار انتظار الأماني.. جمرها صاهر |
والقلب ماعادي أدري ويش منتظره؟ |
اشوف يأسي على العينين وأكابر |
ما كني أناظره من فتره لفتره |
أقول لي مر يوم.. ابنتظر باكر |
والأمس ألاقيه في يومي ومع بكره |
وودي ولا ودي أجازف ولا أخاطر! |
وأخاف ما كل.. مره تسلم الجره |
خايف يفوت الاوان واصبح الخاسر |
ومن كبريانا تموت أشواق منتحره |
وش قيمة العمر والمستقبل الزاهر |
لي صار الانسان مغلوب على امره؟ |
سعد الشليل - العاتب |
|
