وكان في الصورة طفل.. كانت الصورة جميلة
وخلفنا كانت مره تلبس عباه
وأطرف الصوره ولد يضحك صباه
وقربنا حطت حمامه.. قربها حطت حمامه
تذكرين اش كثر كانت ابسط الاشياء تثير الانتباه
وفي البعيد احتفظت الصوره بمنظر مهر جامح
وفي البعيد فاخر الصوره شخوص بلا ملامح
تذكرين ايش كثر كان
الوقت... شفاف و... حنون و... طيب و... مبهج و... دافي
متسامح
وكان في الصورة وهذا اجمل اللي كان في الصوره.. طباعك
نظرتك والشيطنه في داخل عيونك جنونك.. واندفاعك
بسمتك لما تطوقني ذراعك
اذكر انك قبل ندخل هذي الصوره في لحظه التفتي لي وقلتي قول
احبك
قلت اخاف ليا تكلمت احرم اذني من سماعك
كانت الصوره جميله... كنتي في احلى نفانيفك
كأن الصبح ضيفك
أو كأنك من كثر ما كنتي انتي كنتي طيفك
كنتي في اكثر مواعيدك وفا
وكنت انا في ايديني دفا
كانت الصوره جميله.. وكان في الصوره طفل
فهد عافت
