لا عاد تنشدني وش اللي مسوي |
يكفيك شي في حياتي مسويه |
يمديك تعطيني على نفس جوي |
بس اعتقد ما باقي شي تعطيه |
ماني هذاك اللي معك كنت توي |
اليوم اعرفك وعرف ويش ناويه |
ماهوب هاجوس المحبه يغوي |
انت الذي قلبي بحبك مغويه |
الله لا يكتب بحبك غلوي |
وإلا الغلا حاصل بدون اعترف فيه |
لـ جل غلاك اغليت حتى عدوي |
وأدور اللي يدور ارضك وارضيه |
هذا هو الداعي ومعنى لجوي |
للهاجس اللي من سنه كنت مخفيه |
عطشى القرايح والخفوق متروي |
(كله غرام) من أوله لين تاليه |
تسرح به الأفكار وإلا تضوي |
ما فيه أحد غيرك من الناس يعنيه |
ليلان الرشيدي |
|
