بنت الأصول اللي على الدين شبت |
تشيب ما وطت لغير الله الراس |
انحبت.. ومثل المخاليق حبت |
ما هي قليلة حظ لكن من الناس |
البارحة ريح المقادير هبت |
وضاقت على وسع الفضا ذيك الانفاس |
دعا الفراق وجمرة البعد لبت |
والحزن واقف والشقا دق الاجراس |
يا خيبة اللي بين الاضلاع ربت |
حلمٍ جميل ومات في لحظة انعاس |
اقسى شعور يكون قلبك مثبت |
وتزلزله صدمة وهو حيل حساس |
كذا تكون اللي بكت واستخبت |
تبي تلم الجرح جابت له الفاس |
لكن مع هذا اصمدت واستحبت |
تكون أكبر من عنا الجرح والياس |
طاحت قوية والظروف استتبت |
وقامت قوية وادمحت غلطة الباس |
كذا تكون اللي على الدين شبت |
تموت ما وطت لغير الله الراس |
أميرة الجابري |
|
