شهرين مشغول عن غيرك وفاضي لك |
احاول افهمك بالتفصيل والمجمل |
وارسمك واتفنّن برسمك وتشكيلك |
واعتقك في زوايا الذاكرة واثمل |
واحيا معك وقتي الحاضر واضحي لك |
بالقادم المنتظر والماضي المهمل |
ماودي اطفي وهج صوتك بشوفي لك |
وارجع بحلمٍ كسير وجرح ما يدمل |
اتركني اعذب اسورتك ومنديلك |
والعقد الألماس والبرفان والمخمل |
واعوّذك بأمهات الحرز وادعي لك |
من باسمه البرق سبّح والرعد بسمل |
صحيح زينك يشكّل فرق عن جيلك |
وإن ما كملت أنت عمر الزين ما يكمل |
لكن ظلمتك وعين العقل ظلمي لك |
لو كان فسرتها على كذا محمل |
جوري عليك انتصف لك من مقاتيلك |
يوم احصروك بنطاق العين وانت أشمل |
واللي منعني (ل) اجي واقرا تفاصيلك |
احساسي إني أشوفك من بعيد أجمل |
إبراهيم الشيخي |
|
