ارحب تراحيب المطر يا صاحب القلب الكبير |
يامرحبا بك ياولي العهد يانسل الكرام |
المملكة تزينت لك ولبست ثوب الحرير |
وكل الجزيرة وقفت وقفة معزة واحترام |
الحمد لله يوم ربي سلم وجابك بخير |
ورجعت لارض المملكة ياشيخ يا عالي المقام |
الكل منا من الفرح ياسيدي شوي ويطير |
وشلون ما نفرح يا امير وحضرتك جيت بسلام |
والكل ياشيخ الوفا يحبك بقلب وضمير |
حبٍ نشيله في الصدور ونرفعه نوط ووسام |
دام انت طيب كلنا في عزٍ وخيرٍ كثير |
واللي لجا بك بعد ربي والله انه ما يضام |
خيرك يا سلطان الوطن فاض وملى له كل بير |
وطال البوادي والحضر في كل أرض وكل عام |
كم جاك مقطوع الرجا وكم جاك مسكين وحسير |
ارضيتهم واغنيتهم والخير من رب الأنام |
وكم واحدٍ جاه المرض واودعه في بيته كسير |
وماله أحد غير الله وثم انت يالقرم الهمام |
امرت بعلاجه على حسابك وهو العبد الفقير |
وعافاه ربي سبتك واشفاه من وهن السقام |
كل يحبك يا الأمير البنت والورع الصغير |
والرجل حبك والمرة والطفل في سن الفطام |
الكل وجّه وجهته لله وهو فوق الحصير |
يدعون ربي لك بطول العمر وبحسن الختام |
الله يحفظك وين ما تنوي توجه بالمسير |
والله يحفظك وانت متوقظ وفي عز المنام |
والله يحفظك قايم وقاعد وهو نعم المجير |
والله يحفظك بين اياديك ويحفظك من أمام |
والله يعز المملكة ويعز قايدها الكبير |
القرم ابو متعب عظيم الجاه قايدنا الإمام |
وارحب تراحيب المطر يا صاحب القلب الكبير |
يامرحبا بك يالكريم ابن الكريم ابن الكرام |
محمد بن راشد بن محمد آل حبشان- هيئة التحقيق والادعاء العام |
|
