لك الشكر يا ربٍ عليمن بسر الغيب |
كريمن حليمن قادرن شافين منان |
رجيناك وانت اللي ترجاك ما يخيب |
ولنا فيك حسن الظن يا الواحد الرحمن |
وطلبناك وانت اللي حرين لنا تجيب |
ولنا اشفيت ولي العهد يا مشفي المرضان |
وفرحنا فرح يعقوب من جيت الحبيب |
بعد شاف يوسف فارق الهم والأحزان |
لنا فرحة منها مريض الفواد ايطيب |
ابجيت ولي العهد ومرافقه سلمان |
نزف التهاني فوق بالهيل والترحيب |
مع العود الأزرق واجمل الورد والريحان |
ابجيت ولي العهد سلطان راع الطيب |
كريم اليمين اللي تعلت على الايمان |
ليا غاب عنا كن شمس النهار اتغيب |
ولا من لفانا نور البيت والأوطان |
حليف الكرم ساس المراجل قليل العيب |
تمد العطا يمناه لاشحو الرديان |
رقا في طويل المجد لو الطويل اتعيب |
تعلا سنام الطيب وابعد عن الطمان |
عطاياه ما تحصى ولو عدها الحسيب |
لا جيته عطاك الصبح والعصر وامسيان |
ليا شحوا اللي مالهم فا العطا نصيب |
هو اللي يفج الباب في يمت الضيفان |
لو ان العذارى كل يومن يجيبن صيب |
ما جانا مثل سلطان من ماضي الازمان |
حلي السحاب اللي يهل المطر صبيب |
تلاعج بروقه والمطر دايمن ودان |
تفيض الفياض ويروي الحزم والشعيب |
تدور السنه واللي على جرته مليان |
ترى الشعر في سلطان لو طال ما يشيب |
بطيبه يطيب الشعر ومعبر القيفان |
تسابق بيوت الشعر ويجيلها ترتيب |
ليا قيل في سلطان طاب القصيد وزان |
عسى عمر ابو خالد يجي طول عمر شعيب |
مع العافيه والدين والخير والايمان |
واختم كلامي باسم ربي عليم الغيب |
واساله جزيل ارضاه والعفو والغفران |
بداح بن محسن بن عبود السهلي |
|
