وطن وإن جيت اببدا يا وطن كيف ابتديك ووين |
وطن واسمك وطن لكن تفرق ساير الاوطان |
حباك الله بفضله والامان وقبلة اهل الدين |
وطيبة والحطيم ونصرة الحق وعلو الشان |
وخلق فيك الرجال اللي تقدر خدمة البيتين |
سلايل راس عودٍ وقفته تشهد لها الازمان |
عيال اللي حكمها بالحسام وطوّع الغاوين |
الين أصبح ثراك أغلى ثرى وانسانك أرقى انسان |
وانا شاعر واحب أرضك واجل رجالك الوافين |
وياحظ الشاعر اللي تظهر حروفه غلا سلطان |
هذاك اللي غلاه اكبر وسام بكل عسر ولين |
هذاك اللي كفوفه فوح مسك ودندنت هتان |
هذاك اللي غمر كل اليتامى من حنانه لين |
تحول حزنهم ضحك وتبدل هدمهم بنيان |
هذا سلطان حلال النشب ومزبن العانين |
هذا غيث الوطن درع المصاعب وهبة المنان |
هذاك اللي غيابه يوم يثر في القلوب سنين |
غيابه كسر شفاه الفرح واجدب له الوجدان |
سلامات لسموه عد ما غاثت يديه يدين |
سلامات لسموه كثر ماله من سخاء واحسان |
عساها لك طهور ومغفره يا معرب الجدين |
يا وجهٍ كل ما اشرق تشرق الدنيا سعه وامان |
وتباشر يا وطن في عودته سالم وفاله زين |
خصيم الفقر والحاجات لو وجه الليالي شأن |
وطن وإن جيت أببدا يا وطن كيف أبتديك ووين |
وأنا لاهي بحبك وإنت لاهي في غلا سلطان |
نايف المطيري |
|
