يا سيدي عقب الفضا ضاقت الدار |
من يوم غبت وحزنها ما قواها |
ترجي عسى تاتي تباشير واقدار |
تفرح مشاعرها وتمحي عناها |
سلطان طيب.. رددوها فالاخبار |
والشعب وصلت فرحته منتهاها |
فرح اليتيم اللي بكى سر وجهار |
والشايب اللي غيبتك ما قواها |
واهل القلوب اللي على صالي النار |
لانك تبدل يا سندنا شقاها |
يا سيدي ميزاتك كثار وكبار |
نفسك لفعل الخير ربي هداها |
يا فزعة المضهود يا حامي الجار |
مدات كفك ما تحسب وراها |
وعضيدك اللي ما تعداك بامتار |
شوفتك طيب ما يدور سواها |
سلمان لو قلنا جزيلات الاشعار |
تعجز ولا توصفه حبكة بناها |
عسى بشوفك ينجلي غم الابصار |
والمملكه تستقبلك يابهاها |
ناس دعت لك سيدي وقت الاسحار |
الحمد لله يوم حقق رجاها |
عبدالرحمن بن عبدالله السلوم |
|
