يا سيدي ماجور ماجور ماجور |
وعساك في دنياك دوم امتعافي |
يا سيدي سلطان بالعز منصور |
والله يطول عمركم يالسنافي |
اليوم كل الشعب غياب وحضور |
يدعون رب الكون هو خير شافي |
زاح الظلام اليوم في طلعة النور |
في شوف ابوخالد زبون الضعافي |
يا لله عساك بخير يا طيب الشور |
يا شوق يا ستر العذاري العفافي |
الشعب في شوفك غدا اليوم مسرور |
لانك ملكت القلب يا نبع صافي |
ياراعي النخوة لك المجد منشور |
يا ريف من صكت عليه المرافي |
لك مجلسٍ فيه المطاليق معمور |
ولك موقف معروف بين وخافي |
غمرتنا بالطيب مشكور مشكور |
وانت الذي دايم كريم ووافي |
وانت الذي يمناك طلقه ومشهور |
يا فزعة العجزان لاجاك لافي |
يا ماجبرت بطيبتك قلب مكسور |
وانا اشهد انك للمواجيب تافي |
لك الثناء والطيب بالخير مذكور |
واللي لجا بحماك لا ما يخافي |
يا رب يا منزل تبارك مع الطور |
خل الشفا دايم على الشيخ ضافي |
وارجو السموحه كان في قولي اقصور |
عبرت ما قد قلت في بدع قافي |
راشد القناص |
|
