يا هجوس الشعر هاتي من جزال القصيد |
وقفي قدام سلطان فخر لك ولي |
أشهد ان اليوم هذا بعيني يوم عيد |
يوم شفتك علّ يحفظك يامير الولي |
انت فاق هداج ما ينقص يزيد |
الملي الله ثم انت يامير الملي |
لحق خيرك يا الأمير القريّب والبعيد |
كم فقير من عطا يدك فقره منجلي |
كم حزين جالك ومنك راح وهو سعيد |
حي والله راس من السطر يُعلي عُلي |
كم وكم لك من سميٍ ولكن ما يعيد |
انت سلطان بن سلطان راسك معتلي |
انتم أهل الطيب والعز والمجد التليد |
وانتم جبال رواسي وزبن المبتلي |
انتم اللي للبلد قلب وعروق ووريد |
شيب عيني لو يصير البلد منكم خلي |
السعودية بلدنا ولا عنها نحيد |
ما يلام الرجل كان بلده عنده غلي |
يا طويل العمر كانك تبا العلم الاكيد |
كلنا دون الوطن درع لا جات صملي |
عبدالله ميزان البدراني |
|
