البارحه قافي تلاطم بحوره

لاشك معنايه على راس مرقاب

يحتاج له جهد وتمعن سطوره

معنى كبير أكبر من حروف بكتاب

عنه البيوت الدارجات محظوره

ومن قيمته لو شاب معناي ما شاب

ينباج له جزل القصيد وعبوره

ينساب مع جرهد معانيه ما ساب

وقلت ابتدي والقاف يعلن مروره

طاب الخيال ووافر الشعر له طاب

ما كل غايب في غيابه خطوره

الفرق شاسع بين طيب وما طاب

غياب بعض الناس يشبه حضوره

لا حضر ما من خير والمثل لا غاب

لو كان له ثروة ماهيب محصوره

لا معتقٍ نفسٍ ولا فاتحٍ باب

ولو الخيول سباقها في قصوره

تضيق لا جاها من الوقت مرتاب

يا كثرهم في كل دارٍ ودوره

ليت اللحى تنشال عنهم والأشناب

ولا علهم يفدون نمر النموره

اللي غيابه يرهق عقول واعصاب

ساس الكرم يوم السنين معسوره

وراس الظفر لا زحزح الخصم الأنياب

هداج وعدود الرجال مخبوره

سلطان ميراد القرايب والأجناب

سلطان بن عبدالعزيز أخو نوره

وش للمدايح لو تمادت بالإسهاب

ريف الوطن وقت النوايب وسوره

وعز الوحيد اللي شكا عوج الأسباب

مدة غيابه بالقلوب محفوره

وسلامته عمت فرح كل الألباب

كل الوطن بانت ملامح سروره

بشارةٍ تشمل شبابٍ وشيّاب

وفي حب سلطان الشعوب معذوره

سلطان سلطان المكارم والأنساب

مزبان من طال الزمن في عثوره

وطلاب راسٍ ما تقفاه طلاب

ومطلق سراح اللي عرف حجم جوره

ويّس من الدنيا ومن واقعه هاب

ريف الوطن مهما تزايد دهوره

غيثٍ لشعبه وين ما راح سكّاب

وخصمٍ توالى للأعادي شروره

قدام لا ياصل معاديه ينصاب

عسى سنينه كثر عدة شهوره

لا عل عمره رحلةٍ ما لها حساب

دحيم النومسي

صفحة الجزيرة الرئيسية

الصفحة الرئيسية

رأي الجزيرة