سلام ياميرن حميده سجاياه |
يدوم عزك يا رفيع المقامي |
سلام أحلى من لبن كل معفاه |
وخن من ريح النفل والخزامي |
يا مرحبا بك عد سحبن نثر ماه |
واعداد ما خطت رياش القلامي |
يا كبر فرحتنا بك اليوم كبراه |
قلوبنا عطشى لشوفك مظامي |
يا وطن إفرح إبتهاجاً لملقاه |
له غز رايات الفرح والعلامي |
يا كبر فرحة جيته يوم شفناه |
متعافين عقب المرض والسقامي |
الشعب به فرحان يوم الله أشفاه |
الحمد لله يوم زال الغمامي |
يا سيدي لا بأس تخفيف عساه |
يخطيك صادوف المرض والوهامي |
سلطان يا عل المنايا تعداه |
يحميه رب الكون محيي العظامي |
الله من شر الصواديف ياقاه |
عاش أبو خالد دام عزه ودامي |
ولي عهد المملكة لا عدمناه |
لعل يبقى سالمن كل عامي |
في جاه ربٍ نطلبه ونترجاه |
وبجاه من صلى لوجهه وصامي |
وأبي أمدح اللي صايب المدح يزهاه |
المدح يزها فيه نسل الكرامي |
يطيب مدح الي جزالن عطاياه |
هداج تيماء مروين كل ظامي |
سمي سلطان الخير من فعل يمناه |
ريف الفقارا والضعوف اليتامي |
كم من ضعيفن شال عنه المعاناه |
نور أيامه عقب ماهي ظلامي |
للخير يجزم يدفع المال والجاه |
فك الرقاب اللي عليها إعدامي |
غيثن إليا جا القاع من سحبه أسقاه |
يخضر مسيله عقب ماهو هشامي |
فضله وصل للناس والطيب سواه |
اللي على العليا يشد الحزامي |
زبن الضعيف اللي بلزومه تنصاه |
من لاذبه واستسعفه ما يضامي |
فضايله ما تنحصي لو حسبناه |
لو جيت اعددها يطول الكلامي |
سلطان لو وصفت هذي حلاياه |
حرن مداهيله بروس العدامي |
شبه أشقرن ياهد بالصيد يفناه |
صيده جزيل ولا يصيد الهلامي |
عدل المناكب وافي الطول عداه |
عرضه وطوله وافين بالتمامي |
من لابتن تعرف نهار المثاراه |
آل السعود منزحين الخصامي |
ابن الإمام اللي على العدل ممشاه |
يا قيل أبو تركي بعيد العلامي |
عبدالعزيز مسس الحكم رساه |
عساه للجنة وحسن الختامي |
حكامنا من غيرهم ما رضيناه |
لهم الولا منا وكل احترامي |
قلته وفا واخلاص والشاهد الله |
حب السعود بدمنا والعظامي |
دون الوطن ناقف بالأرواح نفداه |
ما نرخصه حقه علينا إلزامي |
خليف محمد عيد العنزي |
|
