والله مو قصدي بالإرسال الإزعاج |
لكنها حاجة وفي نفس يعقوب |
تدري بقلبي للمواصيل محتاج |
والبعد حطمني وأنا منه مرعوب |
أنا اتخذتك بالغلا خير منهاج |
لكن أشوف إنك على القرب مغصوب |
سويتلك فالجوف قصة ومونتاج |
وأحلى حوار الحب بالدم مكتوب |
لوك تلف الصين لندن وقرطاج |
والله ما تلقى مثل قلبي قلوب |
احرص على قلبٍ من الشوق وهاج |
لو تامره طاعك ولك صار مندوب |
حبك وعزك ما سمع فيك هراج |
ينبض وفا وإحساس ما خالطه شوب |
لكن نصيحة بنصحك دون إحراج |
لعلها تأثر بقلبك يا محبوب |
الوقت رايح والجفا ما له علاج |
والعمر يمشي لو تأملت محسوب |
سليلة عطا |
|
