يا مترفه مالك شبيهٍ مع الناس |
والقلب من زينك وحبك ملكتيه |
متفرده بالحسن والعود مياس |
يا ارق واحلى من عرفته ومغليه |
احتار في وصفك وللحب نبراس |
يزداد في قلبي ولا نيب مخفيه |
اخاف اقصر وانت بالوصف حساس |
يا كاملٍ بالزين والزين زاهيه |
حبك تمكن وسط قلبي والانفاس |
ثابت ولا ينزاح لو ما ذكرتيه |
انتي سكنتي القلب يا عقد الالماس |
ولا فيه غيرك يصبح القلب هاويه |
بالزين ما مثلك على كل الاجناس |
عز الله انك كل زينٍ خذيتيه |
لا تحرمين العين يا عذب الاحساس |
من شوفتك والصد مانيب قاويه |
|
|