أرزاق
يا طيّب العقل ما تكمل بدنياك المطاليب
تطيب لك حاجتين وثالثهن ما تطيبي
والرزق مضمون عند الخالق اللي يعلم الغيب
يرزق ضعيف العزوم ويرزق الشهم النجيبي
***
مساواة
أنا صديق الطيبين المناعير
اللي لهم كسب المعالي عشاقة
حضر وبدو نطاحة الشر والخير
صادقتهم وأخذت منهم صداقة
***
وهايب
الطيب يخلق مع قلوب الرجاجيل
ما هوب في بنك التجاره تجارة
والرزق من عند الولي بالتساهيل
ماهوب بالقوّة ولا بالشطارة
***
فروق فردية
الحب والبغض في وجه المقابل شارتيني
يكفيك ردة نباه ولا عن الخافي تساله
إشارة بينة يفهم لها القلب الفطيني
ولا ردي المعرفة يلحق الحافي نعاله