الى متى هذا التجافي والتنائي والبعاد |
الى متى أنده عليك ونار بُعدك حارقة |
الى متى سنابل الفرحه يعيث ابها الجراد |
الى متى والحزن في عيني علامة فارقة |
الى متى والروح مهزومة ولا نالت مراد |
والهم معلن لانتصار ورافعٍ بيارقه |
يا سيدي وش كان ضرك لو تواصلت بوداد |
مع قلب شوق اللي شرايينه بحبك غارقة |
يا سيدي وش ذنب طرف ٍما ينال الا السهاد |
يا سيدي وش ذنب قلب ٍرمح بُعدك دارقه |
يا سيدي وشلون يهنا جفن عينك بالرقاد |
والنوم من عين (الغريبة) بابتعادك سارقه |
حاولت نسيانك ولاتم لفؤادي ما أراد |
مع الأسف شاطي غرامك ما قدرت افارقه |
عل وعسى تمطر وصال وينتهي ليل البعاد |
واعيش في جنة غلاك وشمس حبك شارقة |
الغريبة شوق |
|