احتباس الذات في عمر الورود |
حرب انثى تسعى للمجد الابي |
فلسفة طفله تحركها القيود |
قامت تْقلد لها مشية صبي |
احتراق الدمع تقدير وخلود |
للكحل في عين عذرا ياعْربي |
عالمك يجهل بتنفيذ الحدود |
عالم ابله للاسف عالم غبي |
العوايد دين شرّعه الجدود |
ماهي بْشرع الله وسنة نبي |
بنت الاسلام العزيزة بنت جود |
مجدها سابق حضارات السبي |
من زمان وعزها دايم يزود |
من خمار الوجه لي لبس العبي |
لايهدون الحصن كثر الجنود |
هذي مْناتي وهذا مطلبي |
انفجار الضغط تلحقه اللحود |
ما يجي بالوقت مثل اللي نبي |
شوفهن لاثار نيشان الصمود |
الجيوش اقبالهن تحبي حبي |
لا تقرب نارك بجنب الوقود |
ثم تقول النار وش له تجتبي |
كلمتي واردها وسط الحشود |
القيود تحرر الموت الخبي |
لاتقدّم لاتصوّب لاتعود |
لاتحرّك فزعة امّات العبي |
أريج الرياض |
|
|
|
|
|
