الشاعر فارس الصميدان وقصيدة رثاء في والده أسكنه الله فسيح جناته
ابتسم قدام خلق الله كثير
بس فيني حزن أكثر أكتمه
آتظاهر بالفرح واني بخير
والحقيقة عند نفسي مؤلمة
صارت الدنيا سراب ابلا مصير
صارت الدنيا بوجهي مظلمه
صارت الدنيا علينا تستدير
راح ابوي وجت هموم منضّمه
كنت اشوفه غير كل الناس غير
قبل يحكي يعلم الله أفهمه
كنت كل ما غاب ادعي واستجير
وآترجا بس شوفة مبسمه
لا تروح وتترك وليدك سهير
أو خذه وياك أحسن وارحمه
الحياة ابدون وجهك وش تصير
يا حبيبي فيك حزني ماعظمه
كيف شيب الوجه بيّن بالصغير
والبياض اشلون باين مُعظمه
هذي اول رحلتي .. وضعي خطير
والظروف الحين صارت مُبهمه
شلت هم وكنه الهم الكبير
وشكل هذا الهم بس مقدمه
كل ما احلم حلم من بعدك يطير
مابقى لي حلم أصلا أحلمه
من بعد فرقاك ودموعي تسير
عظم الله فيك أجري عظمه
صدر فارس بحر هم ٍ مستثير
لو كتم بالصدر يطلع من فمه
يذكرونك كل خلق الله بخير
كلهم قالوا عسى الله يرحمه
يا عسى الفردوس مسكنك الأخير
عند رب البيت مابين انعمه
والا انا يابوي قلبي قلب طير
أبتسم والحزن فيني أكتمه
فارس الصميدان
