اجرح وخل الجرح تذكار الايام
واظلم ما دام الظلم عندك عداله
خل العيون السود ترتاح وتنام
وخل الشقي يسهر وخل العناء له
لا تلتفت لي خل نظرتك قدام
واترك جريح الحب مالك وماله
الله حسيبك كيف حطمت الاحلام
دمرت قلبن صان حبك وشاله
لا تعتذر وتقول لظروفي احكام
ما جيت ادور منك عطف وجماله
جيتك وكلي حزن وهموم ووهام
وفي خاطري شي عجزت احتماله
جيت اشتكي لك منك واشكي لك الآم
قلبن وقف ضد الزمن وارتكاله
واذكرك حلفك قبل عشرة اعوام
كيف الحلوف اتصير عندك سهاله
عاهدتني وابرمت لي عهدك ابرام
ومديت لك كف الوفاء والجزاله
صنت الهوى عن كل حاسد ونمام
وابعدت حبك عن دروب الجهاله
