يا نايف الله يجلي الهم والباس

أنا اشهد أنه راح منكم فقيده

الله يرحم طيّب الساس والراس

اللي ببنك الطيب مالي رصيده

ابن شعمل عبدالله معرّب الساس

من وين اببدا والسجايا عديده

ذكره ليا جات النواميس نوماس

شيخٍ على الطاله دروبه حميده

له في سنام الطيب والعز مجلاس

وارياه دايم في المواقف سديده

بأمر الله اللي بأمره يبدَّد الياس

من جود لطفه والمكارم يزيده

ويلبْسْه في الجنه من السندس الباس

ويعيش في البرزخ حياةٍ سعيده

ما مات من خلّف بعد مات قرناس

نايف عسى باقي حياته مديده

وختامها بيتٍ كتبته على ساس

واليوم جاني في محلّه واعيده

من حبّه الله سخّر لحبّه الناس

والناس شهّاد الولي في عبيده