مرثية في الأخ ناصر بن صقر بن ناصر السياري الخالدي.. تغمده الله بواسع رحمته.

الحزن حوس خاطري يا أبو سلطان

عزي لمن تصفق يمينه شماله

الا ذكرت أبوك هلن الأعيان

في وسط قبر وسط لحده لحاله

مرحوم ياللي وافي ما بعد خان

ومن دون ربعه ما يشح بحلاله

بيفقده ناسٍ ضعوف ويتمان

والأرمل اللي قاصرات احباله

يا الله عسى قبره ورود وريحان

والله يقود لنا الرجا في عياله

لا واعذابي كل ما جاء مسيان

ليجيت أبسلى وقف قدمي خياله

أشوف زوله كل ما يختفي بان

ما غاب عني يوم قفت ارحاله

أخو وسمي لي على طول الازمان

وليثقل حملي بعض الأيام شاله

الآدمي مديون والموت ديّان

ولا لنا حيله بشين جراله

يا الله يالمعبود علاّم ما كان

تجبر عزانا فيه ليجاء مجاله