فيصل الشريف شاعر مميز له خط واضح لا يشابهه أحد ينسج من المفردة البسيطة صورة شعرية كاملة البهاء بأنامل الجزالة:

من يقول إن القمر ودّه بزينك؟

وان خدّك نورها فالكون ساطع؟

وان عين الحر الاشقر زيّ عينك؟

يا حبيبي كل ابو هالشعر ضايع!

أنت لك روحك وإحساسك وطينك

لك هموم ولك طموح ولك دوافع

(الخيال المفتري) بيني وبينك

ما يجيبه غير شاعر دون وازع

و(اختلاف الراي) لو سبّب أنينك

مستحيل (الود يفسد).. ونتوادع

بس عمر الشمس ما صارت جبينك

والله إن الفرق ما هو بس شاسع

لا تبّري ساحتي.. ولا أدينك

بأنسف الماضي وبانعم بالمضارع

واتركك مع نفسك تراجع سنينك

وكانك مطوّل ترى ما فيه مانع

أنت راعي بيت والله لا يهينك

طفّ لمبة حبّنا لا جيت طالع!!