يا صاحبي طول العمر كنت هادي
وش ظنك بدمعه فؤادي بكاها
والله مالي في هواها مرادي
بعض الدروب تضيع اللي مشاها
كل شي من عقب البطا صار عادي
حتى القلوب مقصره في عطاها
الليل الاظلم لو ملاه السوادي
مازاحته كثر النجوم بسناها
ماضرني كثر العنا واجتهادي
من دور العله بنفسه لقاها
لا تحدني يم التعب والنكادي
فالقلب حاجه ما تبين خفاها
ماني على هاك المقفي منادي
سمعا «وطاعه للسنين وعناها
ماكل حب» يحتفي به فؤادي
ولاكل دمعه تحزن اللي بكاها
أحمد سبيتان
