اضرب يابو متعب بيّدٍ من حديد
وحنا فداءك بدمنا وأولادنا
لا تترك الجاحد يسوي ما يريد
لا تتركه يعبث بأمن بلادنا
المملكة منه تبرى هالبعيد
هذا دخيل ونقص مثله زادنا
معك يابو متعب وسو اللي تريد
نمشي بدرب آبائنا واجدادنا
على الوفاء نفطم لك الطفل الوليد
وشعارنا زرع الولاء بحفادنا
لا تأخذك رأفه بحالة من يكيد
اقطع شرارتهم بعز أمجادنا
واللي مهو راضي بها المجد التليد
يروح لبلادٍ مهي ببلادنا
ويذوق طعم الذل جعله بالمزيد
وحنا بأمان الله نعيش سهادنا
تكفى يابو متعب بيدٍ من حديد
اقطع رموز الشر فعله كادنا
الليفي بن عبيد الشمري
