الله يجيبك للوطن وين مارحت
الله لشعبك يابو متعب يجيبك
يالعاهل المحبوب يالطيب البحت
عسى صواديف القدر ما تصيبك
تستبشر قلوب اليتامى ليالحت
مثل الحيا لاجيت كل دريبك
نحت حرف العين بقلوبنا نحت
عيبك كبير ونية الخير عيبك
يا سيدي مهما تقصيت وافصحت
ما ينوصف يا ماضي الطيب طيبك
ياما بذلت وجدت واسعدت وافرحت
والخير ياوجه السعد ينحري بك
وياما غفرت ذنوب غيرك وسامحت
بالحلم سادات العرب تقتدي بك
من هم شعبك ساهر ما تريحت
وفعلك يعبر عن مضامين غيبك
قلبك عليه وبالنظر عنه ما شحت
دونه تذود وما يصيبه يصيبك
سهمك رقا بقلوبنا ما نزل تحت
المدح يبدابك ولا ينتهي بك
بالعدل والسيف المصقل توشحت
تبقى نزيه النفس عما يريبك
عملت ياريف المساكين واصلحت
الله على جهد بذلته يثيبك
لولا الغلا بس الغلا كان مابحت
باللي طرالي يوم طول مغيبك
ولاجيتنا سالم وبالكف لوحت
كل القلوب الطاهره تحتفيبك
برجس حمدان المعكلي
