الحمد لله بالسلامة ولا بأس
عداك شر وزال عنك احتدامه
والله عظيم شوفتك تسعد الناس
والكل يدعى لكل بطول السلامة
صفوة ملوك الشرق والعز لك ساس
نجل الإمام وسيد في مقامه
الشعب يسعى لك وحبك على الرأس
يا سيدي ما حد تناسى امامه
شعبك تكدر يوم غبتَ ومحتاس
وده يزورك في مكان الاقامة
والكل في التفكير مع زود وسواس
خايف عليك وكايد البعد ظامه
لكن في طلتك عود لنا إحساس
إن العلوم الطيبة مستدامة
من بعد ما دقت طواريق واجراس
ارتاح شعبك يوم شافك أمامه
واليوم هذا عيد للشعب والناس
في عودتك زالت هموم وغمامة
الله يديمك دايم الدوم نبراس
تاج الملوك وفارق باحترامه
في غيبتك شعبك بهم وهوجاس
كثرة ظروف ظللتها الغمامه
حبك تعدى كل حدٍ ومقياس
بقلوبنا ساكن ليوم القيامة
الله شفاك وردكم سالم الراس
والشعب عيد وانتهى من صيامه
شاف الحبيب وزود قدره واحساس
عود علينا طيب في تمامه
لا شك أبو متعب كما النور واشماس
مثل النجوم اللي تزيل العتامة
في طلته خير على الشعب والناس
نبع الحنان وسيد الابتسامة
كل الشعوب تعود له في ذرى الباس
تنخي سخى تعرفه بالشهامة
صادق صدوق في علوم لها اقياس
يبغا العروبة في دروب الكرامة
يا الله يا محصى عباده ولجناس
يا واحد من فوق عرشه مقامه
تحفظ ملكنا من طواريق وامراس
وامتع حياته كلها بالسلامة
الشاعر العقيد م. محمد بن فراج الشهري
