يا الله يا للي خالق الناس من طين
يا منزل القرآن باصدق كلامه
يا مستجيباً دعوة المستعينين
يا فارضا شهر رمضان وصيامه
يا منزلاً غيثه على المستغيثين
أنك تثبتنا على الاستقامة
وأنك تعز الدين ومن يحمي الدين
وتحفظ لنا الشعب السعودي وإمامه
سلام واسلم يا زعيم السلاطين
يا سيدي يا ساس رأس الزعامه
يا بو اليتامى والضعوف المساكين
يا معطي المحتاج قيمة طعامه
وزعت خيراتك على المستحقين
غيثك نزل هتان مثل الغمامة
قضيت دين اللي شكا علة الدين
يا محزم اللي يشتكي من احزامه
وباوامرك فكيت قيد المساجين
ورسمت في وجه الحزين ابتسامة
تعيش يا خادم بيوت المسلمين
منك تعلمنا الوفا والكرامه
شخصيتك تخلف عقول المعادين
وسيفك على خشم المعادي خزامه
وحنا سيوفك حزة الحرب صاطين
ومنهو يعادينا يشوف الندامة
ونجدد البيعة على العسر واللين
ونعاهدك لما تقوم القيامه
عشنا بحكم آل السعود الشريفين
منهم تعلمنا الوفا واحترامه
بأمن وأمان وخير عشنا هنيين
والكل منا مهتني في منامه
باسم الشراري والشرارات وافين
سيفا على العايل نحطم عظامه
لجل الملك ثم الوطن مستعدين
نموت ما يرخص علينا مقامه
وتامر يا بومتعب وحنا ملبين
والصف واحد ثابتا مع تمامه
وصدق المشاعر والوفا للوفيين
لك يا ملكنا يا عقيد الشهامه
وصلوا عدد رمل الحصى والمصلين
على الرسول أزكى صلاة بسلامه
الشاعر: عيد غانم الشراري –منطقة الجوف
