تستدير الروس ولاّ يستدير بنا الفلك

والله انّا ما نبيعك يا وطنا بالزهيد

الغلا لك يا وطنا والولا يمّ الملك

وارثينه من قديم وحافظينه من جديد

انولد فيك النبي أحمد وهلل بسهلك

وامتطى القصوا بمكة وهتفت يثرب نشيد

يا وطن.. بالأجنحه جبريل جاك وظللك

ابتدا بسم الله الواحد والفرد المجيد

رتّل الحمد بسماك وحلّ فيك وزلزلك

بالسور والذكر والتحذير من يوم الوعيد

بالمدينه والحرم والحج ربي فضلك

وبالملوك المسلمين اللي لهم راي رشيد

من سكنك بطيب يا ديرة هلي يستاهلك

ومن نواك بسو نستاصل منه حبل الوريد

ياهبيل الراي ما اهبل من تبعك وما أخبلك

لو تعيش أيام مالك غير نكران وجحيد

لك ثلاث اشيا جعلها الله في مستقبلك

المهند وابيض الشلفا ويدٍ من حديد

ما أحلمك يالسيف برقاب العصاه وما اعدلك

رحمةٍ للمعتدل وعقاب للباغي شديد

يا وطن حنّا عتادك يا وطن حنّا هلك

نفتديك بمالنا واعراضنا واصغر وليد

مالك آخر يا وطنّا كلبونا بأولك

ومن فهق عنا نعدّه فيك شيطان مريد

يستدير الوقت ولا يستدير بنا الفلك

والله انا ما نبيعك يا وطنا بالزهيد