وشفيك ياحزن سكن داخل الروح
تنوي رحيلك عن مدارات روحي
قربك معودني على صادق البوح
وان غبت مايقوى على الصمت بوحي
أبيك لو قربك معاناة وجروح
أصلا أنا منهو بليّا جروحي
بعض الفرح يمرني وقت ويروح
بس الحزن لامرني مايروحي
تبقى رفيق الجرح والدمع والنوح
يا أصدق اللي عاش دمعي ونوحي
حبك وفا ياسيد الحب مشروح
ياأعذب احساسي وأصدق شروحي
أنت الرفيق اللي إذا اخطيت مسموح
لاصد بالدنيا الرفيق السموحي
مالي بغيرك في هوى العشق مصلوح
ياسيدي أنت الصريح الصلوحي
حبك نقشته في حياتي على لوح
وغيرك مجرد هامش بوسط لوحي
خلّك بقربي منزلك داخل الروح
أرجوك تكفَى خلّك بجنب روحي
شعر- وليد الناصر
