على السمع والطاعة إنبايع حماة الدين
وعلى السنة السمحة وما نزل الرحمن
لكم بيعةٍ باعناقنا دامنا حيين
عليها إنبايع سيرة العود والشيبان
ونوصي بها من بعدنا أجيالنا الثانين
لخو نورة البيعة ولخوانه الشجعان
على العسر واليسره ووقت القسا واللين
(ولا) ما خلطه الشك والظن والنقصان
(ولا) وارثينه من اشيوخ لنا فانين
على السمع والطاعة من الشيب والشبان
لبو متعب الغالي إنبايع وحن راضين
ولبو خالد المحبوب بحر الندى سلطان
على ما يبون ملوكنا كلنا ماشين
تحت ظلهم نمشي وبقيادة الفرسان
أسلالة أمعزي ذخرنا عزنا الغالين
سلاطين من داني ميامين في الميدان
ذرانا إلى منه حدانا الزمان الشين
حمونا من الإرهاب والفقر والعدوان
بنو للوطن مجدٍ تعدا حدود الصين
وبنو للمواطن مجده الشامخ البنيان
سلامي على حكامنا ما سعى الساعين
وعدد من يحج البيت من ساير العربان
وسلامي على من للعرب باسط الكفين
حبيب القلوب المحترم سيدي سلمان
كريم السجايا سيدي مزبن اللاجين
عميد المكارم معدن الجود والعرفان
أنا أسأل ولي العرش بالعز والتمكين
لكم يا طويل العمر بالأمن والإيمان
عبدالله بن محمد بن صقر السياري
