ما كل جرح يطيب من عذر عادي

وما كل غلطه عذرها دوم مقبول

عيش وتحمل غلطتك في بعادي

انته ولا غيرك عن البعد مسؤول

كم قلت لك خليك عادي وهادي

ولو ما نصحتك قبلها كان معقول

أنا كذا عندي حدود ومبادي

ومن فضل ربي ما معي فكر مشلول

اشوى اللي ما حطيت فيك اعتمادي

والا زماني كنت في وضع مجهول

ضحيت في حبي وسمعة ودادي

ومشّيتني في عرض الأيام بالطول

واجبرتني أقبل عزاي بفؤادي

أعيش وأنا.. شايلة قلب مقتول

فكرت أجر الصوت لأجلك وأنادي

لقيت ما به شي يستاهل القول

قلت ابتعد وأفل خطوة بعادي

وأقول عن فرقاك شدة وبتزول

وخل العناد وخل طول التمادي

يبقون في قلبك مكاني على طول

تذكار الخثلان