Sunday  05/06/2011/2011 Issue 14129

الأحد 03 رجب 1432  العدد  14129

  
   

الأخيرة

منوعات

دوليات

الرياضية

الأقتصادية

محليات

الأولى

الرئيسية

 
 
 
 

مدارات شعبية

 

سالفة اقمار

رجوع

 

تذكرتك بعد نور القمر بان وسطع نوره

سطع نوره وذكرني بنورك وانت متواري

عن عيوني ولكنك حضرت بكامل الصوره

خيالي قرّبك والا انت دونك طال مشواري

قدم عيني خيالك كل ليل يكرر حضوره

واناديلك ورحّب فيك وانته مانته بداري

أقول أرحب تفضل شف غلاك اللي لعب دوره

ملك قلبي وخلاني مع الأشواق سمّاري

بداية كل ليل أتذكرك والنفس مجبوره

ليامن جيت أبسلى الحب يسري بي مع الساري

أغيب بعالمك حتى الصباح تغرد طيوره

يطير الطير من عشه ويبقى بقلبي الطاري

أفكر بك على مر الزمن لو طالت شهوره

أفكر فيك في حلي وفكّر فيك بسفاري

بنيت بوسط قلبي بالغلا والحب مقصوره

قواعدها عهودي لك وزخرفها من أشعاري

حديقتها بها بذرة نواة الحب مبذوره

سواقيها عروقي وتغذا دمي الجاري

بها طيفك سكن حتى أصبحت بالطيف معموره

تعال وشوفها وتعرف مقدارك ومقداري

وإذا تبي العهود اللي زمان فات مذكوره

أجددها بغيابك وانت ما تدري عن أخباري

مثل عهد الرجال اللي وفوا في عهد أخو نوره

على توحيد دار مجدها ما جاله مجاري

وهذا شعر من حبك يعبر لك عن شعوره

يطيع يا حبيبي لا ذكرتك شرّد أفكاري

إذا قلبك عشق شعري لعله يرضي غروره

وإذا إنك مشتر قربي فانا لقربك بعد شاري

وإذا قلت الزمن قاسي نبي نصبر على جوره

نبي نصبر على جوره وهاذي حكمة الباري

فايز المازني

 

رجوع

طباعةحفظ 

 
 
 
للاتصال بناجريدتيالأرشيفالإشتراكاتالإعلاناتمؤسسة الجزيرة