يا ملكنا عسى عزك يدوم ويدوم
والله إنا لكم دايم ولانا يزود
يتجدد ولانا والغلا كل يوم
والله انه صحيح وشاهدين الشهود
لابسين غلاكم مثل لبس الهدوم
والولا حافظينه مثل حفظ العهود
يا ملكنا الحكيم ويالكريم الرحوم
أنت خيرك علينا كثر رمل النفود
ستة أعوام خيرك مثل وبل الغيوم
ننهل الخير من خيرك وجودك يجود
أنت لجل المواطن ساهراً ما تنوم
والله إنا تحت عهدك رقينا سنود
والوطن بالشريعة والنظام محكوم
بالوفاء والعدالة تحت حكم السعود
وكل شعبك جنودك للوطن فاللزوم
من هذيك الحدود ألين ذيك الحدود
تحت عزوة هل العوجاء تجود القروم
محتمين وطنا مثل هلنا الجدود
والعلم رافعينه فوق عند النجوم
يحمل اسم الرسول وبسم خير معبود
ما يطيح العلم ولا تطيح العزوم
رؤوسنا عالية وأعلامنا في صعود
قلتها عن شعوب المملكة بالعموم
والولاء حافضينه قالها بن عبود
وآخر القول مني بالسلام مختوم
والولاء والوفاء والورد مع طيب عود
بداح محسن عبود السهلي
