للطيب درب وللردى عشرة دروب

وللمرجلة رجم وعسيره مراقيه

وللادمي من عالم الغيب مكتوب

مهما تهرب لازم انه يلاقيه

أجله ورزقه عند مولاه مكتوب

سبحان من يسعد حياته ويشقيه

من يزرع السيه محاصيله ذنوب

من لا توقع طاح محدٍ يوقيه

وما كل جسمٍ تستره لبسة الثوب

ولا كل زرعٍ طيباتٍ سواقيه

وكل الخطايا هينه غير عذروب

إلا الشرف من دنّسه ما ينقّيه

والمسعد اللي لا عرف ذنبه يتوب

قدام حبل الموت ياصل تراقيه

يالادمي دنياك ما تمشي بدوب

وما تملكه يمناك لا بد تلقيه

هذا وانا اللي من عنا الوقت منكوب

حظي تعثر والأمل مات باقيه

حملي ثقيل وكل همٍ له بصوب

ويا وي حزنٍ بين الاضلاع متقيه