قصيدة شعبية تطل على شاعر الفصحى الدكتور والكاتب عبدالله بن ثاني..
غرد القمري على غصن الأماني
يوم لاح البرق في عرض المخيله
هز قلبي من ورى حدب المحاني
قلت هذا الفن ما يوجد مثيله
جدد جروحي وانا تايه مكاني
ثم تعليت المراقيب الطويله
مثل راع الحب في عصر الحصاني
لا اشتكى من هجر (منسوع الجديله)
اشتكي للجدي وسهيل اليماني
واشتكي للغيم والبحر اشتكي له
الأديب اللي حوى كنز المعاني
العميد اللي تعلا المستحيله
راسم البسمه على من جاه عاني
قايد الإبداع- كساب الجميله
يابو ثامر ويش اسوي في زماني
كن صبري نار واحلامي فتيله
شال قلبي هم ثاني يابن (ثاني)
والسبب كله من العين الكحيله
زادت اشواقي وزات فِمتحاني
وان بغيت الصدق ما فاليَدّ حيله
