سنة نبيك للفضيلة تقربك

المصطفى ما له شبيه وعديلي

واحذرك عن نقالة السو تقربك

ومن يتبع العايل لزوم يعيلي

لو انت ما تغضب ترى الناس تغضبك

وعقب المعزة يجعلو انك ذليلي

وترى ردي العرق للعيب يجذبك

وتصير بدروب الردى له عميلي

محمد الاحمد السديري

أدّب ولدك إن كان تبغيه يشفيك

واستسعفه من بعد مرباه بالاك

إما سمج واستسمجك عند شانيك

ويفر من فعله صديقك وشرواك

وإلا بعد جهله تراهو ياذيك

لو زعلت أمه لا تخليه يالاك

الشريف بركات

والله إن الطيب سمعة والغنايم بالعزايم

ووالله إن المرجلة صعبة ولا كلٍ قدرها

ما يحوز المرجلة شخصٍ عن الطولات شايم

كل ما حانت لوازمها خطا رجله قصرها

والرجل مايلحق الدنيا تحساف وندايم

يفتكر من واقع الدنيا وياخذ من عبرها

والفخر ماهوب في كبر السوالف والعمايم

الفخر نوماس فعل وطولةٍ كل ذكرها

سعد براك