أثر الجفاء لا طال بين المحبين
يشعل بوسط القلب نار الوقيده
وأنا جرالي ما جرالي من سنين
قصة غرامٍ ذكرها مستعيده
عشقت خلٍ كامل الوصف والزين
وراحت من الدنيا سنينٍ مديده
وذكرت حبه بالوفاء داعج العين
وانهل من عيني دموع شديده
الله على المحبوب سيد المزايين
عقب الجفاء والصد روحي وحيده
مالي ونيس ولا بغيت المسلين
إلا هواي اللي عشقته وأريده
أراجع الذكرى وأعيد العناوين
وأقول ليت الحب بيدي وأعيده
لكن مالي غير دمعه وبيتين
وصبرٍ على نار الهموم العنيده
وليت الغرام اللي سكن بالشرايين
يطفي لهيب القلب وإلا يزيده
الشاعر/ نواف الصخابرة
