ضاق الخفوق و كل مابي ضاق و أنفاسي تضيق

والمقبلات من الليالي ينكشف موّالها

قلب على ضلعه تعب و الضلع عيّا لا يطيق

والروح تشكي البعد مما صار في أحوالها

لا واه من حزن المفارق بيني و بين العشيق

لا رحم أبو حي الهموم اللي أشيل أغلالها

عمق البحر لا شدّني يمه شهيق ٍ في شهيق

غريقةٍ تنزف ندم والهم ساع اغتالها

بيبان شرّعها الرفيق اللي طعن قلب الرفيق

ما صد وجه الجرح بيبانٍ تفك أقفالها

فكيت قيده بعت حبه والهوى حرٍ طليق

ما ينعرف له درب يسهل للهوى ممشى لها

خيطٍ رفيعٍ للأمل باقي على جال الطريق

نظرة تفاؤل في عيون الريم وقت وصالها

لمسة دفا عبر المواقف لين صدماتي تفيق

والليلة السوداء تزيل حدادها في فالها

مرواح جدي يا قطوع الوصل جحّاد الصديق

ملاذ حبك ما بقى له عرش يا قتالها

شموخ