والله ما اهني تاجرٍ يجمع المال

لا صار ما له ما يوزع زكاته

وان جاله المحتاج ما مده اريال

البخل طبعٍ في يمينه وذاته

هذا هو المحروم من طيب الاعمال

محروم من طيب العطاء واحسناته

يجمع وللوراث زوجات وعيال

وكلٍ يقول الله يعجل مماته

للخير مدهال وللفقر مدهال

مثل الوطن يعرف ثراه ونباته

اهني الي كاسبٍ طيب الافعال

امزكيٍ ماله ويحفظ صلاته

وان كبرت القالات حلال الاشكال

يحلها من رايه ومكرماته

وان جاه محتاجٍ عليه الدهر مال

لاجاه مشفي ما يخيب شفاته

مدات جوده دايمٍ تشرح البال

من طيب حظه طيبات صفاته

يقولها اللي عارفن كل الأحوال

امجربٍ لين الزمان وقساته

قد سار في رمضى وفي شمس وضلال

والوقت ما يعطيك يقول هاته

والكامل اللي خالقٍ كل الاجيال

محيي البنادم عقب حالة وفاته

الشاعر: بداح محسن عبود السهلي