رثاء في سمو الأميرة سلطانة بنت تركي السديري..
يهيض شعري والمعاني على شان
واجب علي التعزية للمعازيب
أحلف لكم يا سيدي بعض الاحيان
يفيق فكري في بعض شي ويغيب
انحس من حست طويلين الايمان
اللي لهم عندي معزة وتوجيب
والامر للي يعلم الأمر والشان
ما يلحق الإنسان شك ولا ريب
ماجور يا عبد العزيز بن سلمان
يا ابن العديم اللي يفك الأصاعيب
وماجور يا فيصل وماجور سلطان
أدعي لكم يا رب في دعوتي جيب
الله يثبتكم على قو الايمان
ويحسن عزاكم يا شيوخ المواجيب
وعسى الأميره يوم وقت القدر حان
في رحمة اللي يعلم السر والغيب
عسى ملائكة الرضا وقت الآوان
يستقبلون الروح بالمسك والطيب
آمين يالمعبود يا رب الأكوان
ياللي على أمره تشرق الشمس وتغيب
محمد بن زبن بن شالح
