يا أهل القصيد اللي من الوزن مفلوت
تريّحوا قصيدكم ما نريده
لا صار جزل الشعر قرب على الموت
يا ليت هزل الشعر يقضي رصيده
الشعر وقته شايته بالقدم شوت
تشاوتوه أهل العقول البليده
هذا شرى له بيت والثاني ابيوت
ويقول انا اللي قلت هاك النشيده
ليته سكت وارتاح مع ناسٍ سكوت
وريّح ملايكته وريّح وريده
يا ليت في يمناي للبعض ريموت
اقفله ما عاد يلقى قصيده
اقفله تقفيلةٍ تكتم الصوت
ولا عاد يكتب كلمةٍ فالجريده
الشعر سبك وحبك لولو وياقوت
فوايدٍ منها البشر مستفيده
شعرٍ يجي في قمة الصخر منحوت
وشعرٍ ينقّد شاعره ما يفيده
الشاعر: بداح محسن عبود السهلي
