الجادل اللي بالحلا مالها قياس

خده كما نور القمر في طلوعه

ترا الحياء متبوع ويجيه عساس

برق الحياء دايم تباشر فزوعه

ينظر بعينه من وراء زحمه الناس

تايه لكن النفس ما هي قنوعه

من خلقته فيه الدلع طبع وإحساس

تشوفني عينه وتوحي سموعه

ما يلبس إلا عقد لولو على ماس

مثل الذهب صافي بشكله ونوعه

ماله حلي وعيونه السود نعاس

يجذب قلوب العاشقين الجزوعه

إثر المحبة كانها حد الامواس

ما يشبع الجيعان يقعد بجوعه

ولهان منه والمعاليق يباس

كسر الغرام اشلون تجبر اضلوعه

محتار ما بين الرجاء معه والياس

مدرى يجي ويروح ولا قطوعه

واقفيت من عنده وأنا معي هوجاس

ياحيلت الله كيف ابا اعرف طبوعه

الشاعر- سعود حبيب العازمي