Wednesday 26/10/2011/2011 Issue 14272

 14272 الاربعاء 28 ذو القعدة 1432 العدد

  
   

الإعلانات

الإشتراكات

فقيد الوطن

مدارات شعبية

الرياضية

محليات

الأولى

الرئيسية

 
 
 
 

مدارات شعبية

 

بعد أن طغى الحزن على مواقع التواصل الاجتماعي
الـ facebook يتوشح السواد والمغردون في twitter ينوحون حزنا لفراق (سلطان)

 

 

 

 

 

 

 

 

رجوع

 

كتب زبن بن عمير

في ليلة رحيله الأولى عم الحزن واكهف الفرح ليلة قاتمة المعالم مكفرة الوجوه ليلة لم يدر في خلد أحد من أبناء المملكة والخليج المخلصين أنه سيغيب فارسها هكذا بدون وداع أخير وفي ديار غربة غياب بعيد عن نجد التي أحبها وعن شعبه الذي عشقه..

ولكن هكذا حال الدنيا راحل ونازل..

وفي مواقع التواصل الاجتماعي كان الجرح نازفا فتوشح موقع الفيس بوك (facebook) بالسواد وتغير تغريد المغردين في موقع (تويتر) فانقلب التغريد نوحا نازفا موجعا للكل فالتغريدات بالملايين نشازها قليل ومحبوها هم سوادها الأعظم بل وإن البعض خصصوا مكاناً باسمه رحمه الله هاش تاق باسم (#princesultan) محبة ووفاء وعرفانا له في نوح المغردين ننتقل كعينة منهم وليس حصرا لهم:

كل خافق في غيابك انكسر

لك شظايا وماسواك يلمها

سعود محمد العبدالله الفيصل

**

خل القصايد كلبوها على جنب

ماعاد نحتاج القوافي والاوزان

اما جبر ماصابنا غافر الذنب

الشعر مايجبر عزانا بسلطان

سعود بن خالد

**

من غيره اللي لو عطاك الشمس يلقاها قليلة

من غيره اللي صار صبح الجود ممساه ومقيله

محمد بن خالد

**

راح الحبيب وقطع قلوب الاحباب

راح الذي به حالنا سهود ومهود

محمد بن خالد

**

يالله ياربي وياعالي الشأن

أقبل دعاة اللي صدق في دعاته,,

وأجبر عزانا في نعي طير حوران

الشعب كله محزن في وفاته

**

تصبّر يا أبو متعب على فقدك لسلطان

أخوك وسندك اللي يعينك بوقفاته

عسى الله يجبر قلب نايف وألم سلمان

ويغفر لأبو خالد ويهديه جناته

زايد الرويس

**

حزينة يا السعودية صباح اليوم

وكل قلوبنا تبكي على سلطان

تهادي يا الدموع وما يجي لك لوم

أبو خالد : وطن.. يا ضيقة الأوطان

زايد الرويس

**

المملكة، بكّت دول من بكاها

الله يصبّرها على موت سلطان

الموت قبل إعلان موته،، غشاها

من يوم ماقالوا بكت عين سلمان

نايف الرشيدي

**

يالله لك القوه ويالله بك الحول،,

سلطان مات وسال دمع الزعامه،,

ماأقول مات وبس لاوالله أقول،,

ماتت على وجه الزمان إبتسامه

فهد المساعد

**

مات الكرم مات الصخا مات الاحسان

والطيب كن النبض فارق وريده

وش عاد نفقد عقب مامات الانسان

سلطان بن عبد العزيز الفقيده

نايف بندر

**

من مات ابوه يحس للصبح آهات

وشلون لامن مات ابو اليتامى!!

حبه غرس في وسط الاجواف شتلات

راح وتركها بالضماير تنامى

**

خلّ آلقصايد كل ابوها على جنبْ

ماعاد نحتاج القوافي والاوزان..

اما جبر ماصابنا غافر الذنب..

الشعر مايجبر عزانا بسلطان

**

يا جبال طويق،يا نجد و عسير

و يا ديار المصطفى ويا مملكه

إبكي بفرقاه سلطان الامير

واحضني سلطان سِيد المملكه

**

سلطان مات وموت سلطاننا غير

لحظة وفاته كل الأنهار جفّت

نهر الكرم والجود والطيب والخير

ماهو بشخص ٍ مات (أمة توفّت)

**

الموت غيب وآحد كنت أعده..

أغلى من الدنيا ومن نور عيني

**

اللي ملك في طيبته كل الآوطان

لا مات كل قلوب هـ الناس تفجع

لو البكى يرجع من الموت سلطان

نبكي الين الروح للروح ترجع..

**

راح الكريم اللي حمل روح الانسان

روح و انا من حزن قلبي رثيته

يا جعله الجنة مع حور الأعيان

و في منزل الفردوس يا رب بيته..

**

كاتبها يقول إنه ناقلها وليست له:

سلطان تبكيك القصايد والأشعار

وتبكي على فرقاك كل المدينة

ماني مصدق يوم ذاعوا بالاخبار

قمت أتلفت صدق؟ سلطان وينه؟

**

أدري فراقك غير يا قافلة خير،

تمشي على تاريخنا باسم سلطان..

وأدري فراقك كان للكل تفسير،

إن الوطن من فقدك اليوم ذبلان

**

حنا فقدنا قبلكم زول جابر،،

واليوم فينا جدد الجرح سلطان

**

الموت حق وخالق الخلق غافر

تصبري يا المملكة فخر الأوطان

حنا فقدنا قبلكم زول جابر

واليوم فينا جدد الجرح سلطان

**

الله يطول عمر ابو متعب أزمان

وجعل المنايا تبطي ما جات حوله

وعسى البقى في راس نايف وسلمان

واخوان نورة والعرب والحمولة

**

ودعّتنا فجأه.. ونبكيك يا أمير

وشلون مانبكي وعشناك : والد

من شفت أوضاع العَرَب ماهي بخير

خلّيت هـ الدنيا لهم يابو خالد

احمد الصانع

**

مبروك يالبخل مات مكسرأنيابك

حياة سلطان سقتك الذل والخيبه

واليوم سير علينا فتل اشنابك

خل الفقارى تذكر راعي الهيبه

**

سلطان مات وخيم الحزن كله

وجه الخليج من الكويت الى الرياض

نبكي حزن من يوم ماغاب ظله

اللي عليه الدمع من الاحزان فاض

**

صورتك بالشاشه وبعيوني دموع

قالوا توفى قلت هذي اشاعه

لين الخبر اكد وبالشرح متبوع

وضاق الفضاء بعد كبر اتساعه

**

إللي مَلَك في طيبته كل الأوطان

لا مات كل قْلوب هـ الناس تفجَع

لو البكى يرجّع من الموت سلطان

نبكي إلين الروح للروح : ترجَع

**

في صباح السبت جانا اشين خبر

ادمعت عين الصغيّر والكبير

ربنا يرحمك يااغلى البشر

يدك مدت يم شعبك كل خير

**

لاوالله الا مات كفال الأيتام

وابو الأرامل والمساكين سلطان

في الجود ياسلطان حطمت الأرقام

عساك في الجنة وتنعم برضوان

**

انطفى بدر التمام

وعسعس الحزن البهيم

راح أبو خالد، سلام

وألف رحمة من كريم.

منقول (صالح الشادي)

**

موتة ولي العهد هزّت كياني

وخلّت دموع العين تبكي رحيله

مرحوم ياللي في حياته يعاني

يضحك وجوفه بالألم من يشيله؟

**

ماهي بس المملكة.. حتى الكويت

عايشه في أحزانها.. وألآمها

كل درب وكل دار وكل بيت

لا بكت سلطان محدٍ لامها

**

القلب فاقد له من اليوم شريان

يارب تستر لايروح وريده

من عقب مامات الكرم مات سلطان

يارب صبرنا ياكبر الفقيده

**

البخل أشوفه يطير اليوم ويغرد

فرحان من بعد مات اللي نتف ريشه

**

يارب تضفي رحمتك على الشجاع ابن الشجاع

وتجبر عزا شعب السعوديّه وآل سعودها

@S_m_a_alfaisal
@saud_ka
@mohammadkf
@mohammadkf
@ENGKhaledalsaud
@zayedalrwais
@zayedalrwais
@naifalrashidi
@fahadAlmosaad
@nayefbander
منصور البطي - @mansour_albatti
@majedhs1417
@ThamerAlsudairi
@Ahmed_Otaibi83
@al_non2
RT @M_Hussam
@LuluFaisal
@khmutairi
@haithamalhazmi
@abdsalamotaibi
@Unrayeq
@Unrayeq
@aL9aNe3
@HappySaudi
نهار - @NAHAR_S
@MHarbi1 1
@aL9aNe3
@al_shalawi
@ahmad10omar
@khaledalotaibii
@alwadahiOTB
لسعد العجمي - @Abo_Remaas
رشيد منور -@rasheedmanoar
رشيد منور - @rasheedmanoar
@M_M511
 

رجوع

طباعةحفظ 

 
 
 
للاتصال بناجريدتيالأرشيفجوال الجزيرةالإشتراكاتالإعلاناتمؤسسة الجزيرة